فى المدرسة
التعليم كالماء والهواء (عميد الادب العربى طه حسين)
..............................................
-1-
فى احدى المدارس الحكومية الابتدائية للبنين
قبل ان تبدأ اولى الحصص الدراسية وبداخل الفصل الذى وصل عدد طلابه الى ما
يزيد عن الخمسين طالبا بداوا فى الغناء والرقص على احدى الاغنيات الشعبية باستثناء
عدد محدود من الطلاب لا يتجاوز عددهم عدد اليدين يشاهدون زملائهم ويكتفون
بالابتسامة وما هى الا لحظات حتى دخل المعلم الى الفصل ليصمت الجميع ويهرعون الى الارائك
مسرعين ليجلس كل اربعة بصعوبة بجوار بعضهم البعض فأخرج المعلم كتبه ونظر الى
الطلبة متوعدا ووضع خرطوم الماء والتى يستخدمها كأداة للعقاب وقال لهم بعنف:
-انتوا فشلة عمركم ما هتنفعوا.
وبدأ فى شرح الدرس فرفع احد الطلبة يده ليصيح المعلم فيه:
-خير عايز ايه؟
- كان عندى سؤال يا أستاذ؟
- سؤال ايه يا حبيبى انتوا اكتر من خمسين والحصة مدتها خمسة واربعين دقيقة
يعنى لو سمعت سؤال من كل واحد منكم ورديت عليه فى دقيقة الحصة مش هتكفى اسمعوا
اللى بقولكم عليه واللى يفهم يفهم واللى ميفهمش يا اما ياخد درس او مجموعة وبعدين
لما تنجحوا هتبقوا ايه انتوا ولا معكم لغة او لا كمبيوتر ولا وسايط فمش هتعملوا
حاجة بشهاداتكم وهتشتغلوا اى حاجة.
...................................................................................
)في هذا الوطن سوف تجد كافة الطبقات
الاجتماعية – وعلى اختلافها – طبقاتٍ متساويةً فيما بينها. فمثلاً لن تجد الغني
متعالياً على الآخرين ولن تجد الفقير أيضا خانعاً يحط من قدر نفسه. سوف تجد هنا
الروح الحقيقة للمساواة التي تفيض وتسري في المجتمع بِرُمَتِهِ، وتقوم على مبدأ
الإيمان بأن الناس جميعا سواسية فيما بينهم)
(المفكر الإنجليزي باسيل
تشابنرن- عن المجتمع اليابانى)
..................................................................................
-2-
فى احدى المدارس الخاصة
فى الامتحان جلس طلبة الصف الابتدائى يستعدون لاداء الامتحان ولكن التوتر
اصاب جميع الطلبة بسبب صعوبة الامتحان فهذه هى المرة الاولى التى يأتى لهم امتحان
بتلك الصعوبة ففى مراحل تعليمهم وفى كل المواد كان يتم فى اخر اسبوع دراسى يتم
تحديد الفقرات التى تاتى منها الامتحانات وهو ما لم يتم مع معلم تلك المادة فالرجل
كان حديث العهد بالعمل فى المدارس الخاصة وكان معلما جادا يعتبر التعلم رسالة وبعد
مرور نصف ساعة كاملة اكتشف المراقبون انه لا يوجد طالبا قد حط خطا واحدا وان كراسة
الاجابة ناصعة البياض مع تبادل الطلبة للنظرات فى يأس بدا الخبر يتنقل بين
المعلمين حتى قامت حاشية مدير المدرسة ومالكها بابلاغه بالامر وما ان سمع الرجل
بالخبر حتى هرع الرجل مسرعا يقطع الطرقات جريا حتى وصل الى احدى اللجان ليمر على
الطلاب ويمرر عليهم الابتسامات فوجدهم متوترين لا يكتبون شيئا فقرأ الاسئلة من
احدى الورقات حتى اسرع خارج الفصل واصدر تعليماته بتمديد وقت الاجابة ساعة اضافية
واستدعى المعلم الذى وضع الاسئلة وسأله بشىء من القسوة:
-أستاذ حضرتك بلغت الطلبة بالاسئلة اللى هتيجى بالامتحان؟
- لا طبعا.
- ليه؟
- يبقى ايه فايدة الامتحان؟!
فقال المدير:
-والامتحان صعب جدا.
-ده فى مستوى الطالب اقل من المتوسط.
فقال المدير بعد ان فرغ صبره:
-شوف يا استاذ التعليم فو رأسى بس المدرسة دى هدفها عندى بالاساس ربحى زى
اى مشروع وانا صاحب رأس المال فنعمل الامتحان سهل ونعرف الطلبة به قبلها الاولاد
ينجحوا اهلهم يفرحوا نسبة النجاح فى المدرسة 100% تيجى تلاميذ تانية انا اكسب فلوس
اكتر اصرفلكم مرتبات كبيرة ونبقى كلنا مبسوطين والعجلة تمشى بالطريقة دى.
فقال المعلم باصرار:
-انا اسف انا مش هقدر اشتغل بالطريقة دى حتى لو بأخد عندك مرتب كبير جدا.
- حقك يا استاذ وانا بحترم النا س اللى عندها مبدأ زيك وانا كمان عندى مبدأ
ان المكسب الاول وبالتالى انا بشكرك على الفترة اللى قضيتها معانا ومرتب الشهر ده
حضرتك تقدر تصرفه من الحسابات بالاضافة لمرتب شكر كمان مكافاة مع السلامة يا
استاذ.
فخرج المدرس من الفصل، ليأمر المدير احد المدرسين بكتابة الاجابات على
الصبورة للطلبة مع اخبارهم بان ذلك يتم دون علم المدرسة وما هى الا دقائق حتى كانت
الاجابات مكتوبة للطلبة ينقلونها وهم سعداء.
.................................................................................................
لا أحد
يسعى لتعليم جيد ، الكل يسعى لدرجات جيدة (لى رودولف)
..............................................................................................
-3-
فى احدى المدارس الدولية
فى الفصل جلس الطلبة يتحدثون الى بعض بالانجليزية كعادتهم وكما امرتهم
المدرسة ويتنافشون مع المعلم وبالرغم من ان اسلوب التعليم يعتمد على الابداع وليس
الحفظ الا ان المعلم قد شعر بالضجر بسبب شعوره بان الطلبة مدللين وقد استطاع ان
يتماسك ويحافظ على اعصابه حتى انتهاء الحصة فتوجه الى حجرة المعلمين ينقل همه الى
زميله الذى ضحك وقال له ببساطة:
-كبر دماغك كل ما تفقد اعصابك افتكر المرتب الكبير اللى بتاخده والفصل
الفاضى عيال متدلعة عادى حقهم بمكانة اهاليهم ونفوذهم وفلوسهم انا فى الاول كنت
كده بس اتعودت.
- واهلهم ليه موافقين على كده؟
- تربية اجنبى يا سيدى تعليم كويس بس بطريقة الخواجات انت ساعات بتلاقى
الابن او البنت بتنفعل على والدها او والدتها وبعدين هما بياخدوا اللغة والشهادة
ولما بيكبروا بيتعينوا فى اكبر الاماكن او يشتغلوا فى اكبر الشركات لو مشتغلوش فى
شركات اهلهم مش بس بفلوس ونفوذ اهلهم لا كمان بالتعليم الغالى اللى اتدفع فيهم ده
استثمار فى الطفل
تمت
.................................................................................................
أعلنت وزارة التربية والتعليم صعود مصر في مؤشرات التعليم بتقارير
التنافسية الدولية في عام 2016/2017، لتحصل على المرتبة رقم 134 من إجمالي 139
دولة في مؤشر جودة التعليم الابتدائى على مستوى العالم.
على موقع اليوم السابع بتاريخ 3
/1/ 2017
.................................................................................................
من المقرر تعديل العمل بنظام التعليم فى مصر والاتجاه للتعريب مع استثناء
المدارس الخاصة للغات والمدارس الدولية فى قرار يشتمل على كثير من الجدل خاصة مع
الغاء المدارس التجريبية الحكومية
